Susanna Isern é escritora, psicóloga e nai de tres fillos. O seu primeiro álbum ilustrado saíu do prelo no ano 2011 e desde entón non deixou de publicar libros infantís. As súas obras traducíronse a máis de quince linguas, foron premiadas en múltiples ocasións e comercialízanse a nivel internacional. Na actualidade compatibiliza a súa paixón pola escritura coa psicoloxía. Exerce a profesión no ámbito privado e é profesora de psicoloxía da aprendizaxe na Universidad Europea del Atlántico.
